الرئيسية
ممكن تزيّني طبق الشوربة بالكرفس أو البقدونس
شوربة السمك بالزبادي والجزر
المقادير:
½ كيلو سمك فيليه مقطّع مكعبات
¼ كوب بصل أخضر مفروم
ملعقة صغيرة ثوم مفروم
2 ملعقة كبيرة زبدة
½ كوب كرفس
جزرة مبشورة
بصلة مفرومة
2 ورقة لاورا
علبة زبادي
ملح وفلفل
بهارات
الطريقة:
1- تبّلي السمك بالثوم والملح والفلفل، وبعد كده اسلقيه في كمية مناسبة من الميه.
2- سيّحي الزبدة في حلة على النار، وضيفي معاها البصل والكرفس والجزر، وشوّحيهم شوية مع بعض، وبعد كده ضيفي عليهم شوربة السمك اللي عملتيها والبهارات.
3- أول ما الشوربة تبدأ تغلي، ضيفي قطع السمك وورق اللاورا والبصل الأخضر المفروم.
4- اضربي الزبادي في طبق مع شوية زيت، وبعد كده ضيفيه على الشوربة، وسيبيها على النار لحد ما كل المكونات تستوي، وبعد كده اغرفيها في أطباق التقديم، وممكن تزيّنيها بالكرفس.. وبالهنا والشفا.
